اسرائيلي حملن ۾ 165 ٻارن سميت 2020 ماڻهو شهيد، 6436 زخمي ٿي چڪا آهن: لبنان

بيروت – 12 اپريل (اي پي پي) لبنان چيو آهي ته جاري اسرائيلي حملن ۾ هن وقت تائين 165 ٻارن سميت 2020 ماڻهو شهيد ۽ 6436 زخمي ٿي چڪا آهن. پرڏيهي ميڊيا لبنان جي صحت واري وزارت جي حوالي سان ٻڌايو ته 28 فيبروري کانپوءِ شروع ٿيل جنگ ۾ هن وقت تائين اسرائيلي حملن ۾ 165 ٻارن سميت مجموعي طور تي 2020 ماڻهو شهيد ٿي چڪا آهن. صحت واري وزارت ٻڌايو ته شهيد ٿيل ماڻهن ۾ 248 عورتون به شامل آهن جڏهن ته زخمي شهرين جو انگ 6436 آهي.