اسلام آباد-04 اپريل (اي پي پي) وزيراعظم محمد شهباز شريف شهيد ذوالفقار علي ڀٽو جي سياسي خدمتن کي خراج تحسين پيش ڪندي چيو آهي ته هن آئين جي تياري ۽ منظوري ۾ لاڀائتو ڪردار ادا ڪيو ۽ جمهوريت ۾ عوام جي حڪمراني ۽ عوام جي بنيادي مسئلن جي حل لاءِ قيمتي ڪوششون ڪيون. وزيراعظم آفيس جي ميڊيا ونگ پاران جاري ڪيل بيان موجب، ذوالفقار علي ڀٽو جي شهادت جي ڏهاڙي …
وزيراعظم پاران شهيد ذوالفقار علي ڀٽو جي سياسي خدمتن کي خراج تحسين پيش، شهيد ذوالفقار علي ڀٽو آئين جي تياري ۽ منظوري ۾ لاڀائتو ڪردار ادا ڪيو: محمد شهباز شريف
مزید خبریں
اسلام آباد-04 اپريل (اي پي پي) وزيراعظم محمد شهباز شريف شهيد ذوالفقار علي ڀٽو جي سياسي خدمتن کي خراج تحسين پيش ڪندي چيو آهي ته هن آئين جي تياري ۽ منظوري ۾ لاڀائتو ڪردار ادا ڪيو ۽ جمهوريت ۾ عوام جي حڪمراني ۽ عوام جي بنيادي مسئلن جي حل لاءِ قيمتي ڪوششون ڪيون. وزيراعظم آفيس جي ميڊيا ونگ پاران جاري ڪيل بيان موجب، ذوالفقار علي ڀٽو جي شهادت جي ڏهاڙي تي، وزيراعظم پنهنجي پيغام ۾ چيو ته ذوالفقار علي ڀٽو کي سندس قومي، سياسي ۽ آئيني خدمتن تي خراج تحسين پيش ڪريُون ٿا. ذوالفقار علي ڀٽو وزيراعظم جي حيثيت سان ملڪ جي ترقي ۽ خوشحالي ۽ مضبوط دفاع جي ڏس ۾ سچي دل سان قيمتي خدمتون سرانجام ڏنيون. ذوالفقار علي ڀٽو 1973ع جي پاڪستان جي آئين جي تياري ۽ منظوري ۾ لاڀائتو ڪردار ادا ڪيو، جنهن جو پارلياماني نظام کي مضبوط ڪرڻ ۽ جمهوريت کي فروغ ڏيڻ ۾ اهم حيثيت حاصل آهي. وزيراعظم چيو ته ذوالفقار علي ڀٽو جمهوريت ۾ عوام جي حڪمراني ۽ عوام جي بنيادي مسئلن جي حل لاءِ قيمتي ڪوششون ڪيون. وزيراعظم جي حيثيت سان، ذوالفقار علي ڀٽو عالمي افق تي پاڪستان جي نمائندگي به ڪئي. هن شهيد ذوالفقار علي ڀٽو جي درجن جي بلندي لاءِ دعا ڪندي چيو ته سندس سياسي خدمتون سدائين ياد رکيون وينديون.
