وزيراعظم شهباز شريف جي وفاقي وزير سردار اويس احمد خان لغاري جي رهائشگاهه آمد، سَسُ جي لاڏاڻي تي تعزيت جو اظهار

اسلام آباد – پهرين اپريل (اي پي پي) وزيراعظم محمد شهباز شريف پاور واري وفاقي وزير سردار اويس احمد خان لغاري جي رهائشگاهه تي ويو ۽ سندس سَسُ جي لاڏاڻي تي تعزيت جو اظهار ڪيو. وزيراعظم آفيس جي ميڊيا ونگ پاران جاري بيان موجب وزيراعظم مرحومه جي مغفرت ۽ گهرڀاتين جي لاءِ صبر ۽ استقامت جي دعا ڪئي. نائب وزيراعظم ۽ پرڏيهي وزير سينيٽر محمد اسحاق ڊار، اطلاعات ۽ نشريات وارو وفاقي وزير عطاءُ الله تارڙ ۽ وزيراعظم جو صلاحڪار راڻا ثناءُ الله پڻ وزيراعظم سان گڏ هئا.