قومي اسيمبلي تعليمي نصاب، درسي ڪتاب ۽ تعليمي معيار برقرار رکڻ بابت وفاقي نگراني ترميمي بل 2026ع منظور ڪري ورتو

اسلام آباد-10 مارچ (اي پي پي) قومي اسيمبلي تعليمي نصاب، درسي ڪتاب ۽ تعليمي معيار برقرار رکڻ بابت وفاقي نگراني ترميمي بل 2026ع سينيٽ مان منظور ٿيڻ جي صورت ۾ منظور ڪري ورتو. شازيه مري ايوان ۾ تعليمي نصاب، درسي ڪتاب ۽ تعليمي معيار برقرار رکڻ بابت وفاقي نگراني ايڪٽ 1976ع ۾ وڌيڪ ترميم ڪرڻ جو بل سينيٽ مان منظور ڪيل صورت ۾ غور ھيٺ آڻڻ جي تحريڪ پيش ڪئي. ان جي تعليم واري وزارت مخالف نھ ڪئي. عاليه ڪامران ترميم پيش ڪئي، جنھن کي ايوان رد ڪري ڇڏيو. ان کان پوءِ ايوان مان بل جي شق وار منظوري ورتي وئي، ان کان پوءِ شازيه مري بل ايوان ۾ پيش ڪيو جنھن جي ايوان منظوري ڏئي ڇڏي.