شڪارپور جي ڊپٽي ڪمشنر ۽ ونگ ڪمانڊر 82 ونگ پاران ضلعي ۾ اهم تعليمي ادارن، شيخ اياز يونيورسٽي ۽ پبلڪ اسڪول شڪارپور جو دورو

لاڙڪاڻو – 06 مارچ (اي پي پي)شڪارپور جي ڊپٽي ڪمشنر شڪيل احمد ابڙو ۽ ونگ ڪمانڊر 82 ونگ ليفٽيننٽ ڪرنل ضياءُ الرحمان ڪالهه ضلعي ۾ اهم تعليمي ادارن، شيخ اياز يونيورسٽي ۽ پبلڪ اسڪول شڪارپور جو دورو ڪيو. دوري جو مقصد تعليمي ادارن ۾ تدريسي عمل جي سلسلي کي جاري رکڻ سان گڏوگڏ شاگردن جي ڪيريئر ڪائونسلنگ، ٽريننگ ۽ ادارن ۾ سيڪيورٽي جي بهتر صورتحال کي برقرار رکڻ هو. ڊپٽي ڪمشنر شڪارپور ۽ ونگ ڪمانڊر 82 ونگ ليفٽيننٽ ڪرنل جي دوري دوران يونيورسٽي جي وائيس چانسلر ۽ اسڪول جي هيڊماستر ۽ اسٽاف جاري تدريسي عمل ۽ شاگردن کي ملندڙ ٻين سهولتن بابت بريفنگ پڻ ڏني.