آمريڪي رياست ڪيليفورنيا ۾ برفاني ڇپ ڪرڻ سبب  10 جبل چاڙهو لاپتا

اسلام آباد- 18 فيبروري (اي پي پي) آمريڪي رياست ڪيليفورنيا جي  جابلو سلسلي سيرا نواڊا ۾ سخت برفباري دوران برفاني ڇپ ڪرڻ  جي نتيجي ۾ 10 جبل چاڙهو گم ٿي ويا، جڏهن ته 6 جي ڦاسي پوڻ جا اطلاع آهن. پرڏيهي ميڊيا موجب برفاني ڇپ ڪيسٽل پيڪ جي بيڪ ڪنٽري علائقي ۾ ڪري، جنهن جي نتيجي ۾ 10 جبل چاڙهو گم ٿي ويا جڏهن ته 6 جي برف ۾ ڦاسجي پوڻ جي تصديق ٿي آهي. گم ٿي ويل ۽ برف ۾ ڦاٿل جبل چاڙهن کي ريسڪيو ڪرڻ لاءِ امدادي ڪارروايون شروع ڪيون ويون آهن.