آسٽريليا: سڊني ۾ چاقو سان حملو، هڪ شخص فوت، 2 ڄڻا زخمي

ڪينبرا-17 فيبروري(اي پي پي)آسٽريليا جي شهر سڊني ۾ چاقو سان حملو ڪرڻ جي نتيجي  ۾ هڪ شخص فوت ۽ 2 زخمي ٿي پيا آهن. پرڏيهي ميڊيا موجب آسٽريليا جي رياست نيو سائوٿ ويلز پوليس ٻڌايو ته هنگامي سروسز کي گذريل ڏينهن مقامي وقت موجب 10 وڳي مرڪزي سڊني کان 20 ڪلو ميٽر اولهه ۾ ويجهو واقع علائقي ۾ مرڪزي روڊ تي ٿيل چاقو جي حملي جو اطلاع مليو جنهن جي ڪري هڪ شخص فوت ۽ ٻه زخمي ٿي پيا. پوليس وڏي پيماني تي ڳولا کانپوءِ هڪ شخص کي گرفتار ڪري ورتو آهي. پوليس فورس واقعي بابت معلومات رکندڙ ماڻهن کي اپيل ڪئي آهي ته هو جاچ آفيسرن سان رابطو ڪن.