نائيجيريا ۾ ٽرڪ سان حادثو، 30 ڄڻا فوت، ڪيترائي زخمي

ابوجا -09 فيبروري (اي پي پي) نائيجيريا جي اتر اولهه واري رياست ڪانو ۾ مسافرن ۽ سامان سان ڀريل هڪ اوور لوڊ ٽرڪ تيز رفتاري سان سبب حادثي جو شڪار ٿي وئي جنهن جي نتيجي ۾ 30 ڄڻا فوت ٿي ويا. پرڏيهي ميڊيا مقامي اختيارين جي حوالي سان ٻڌايو ته ٽرڪ تيز رفتاري سبب ڊرائيور جي ضابطي مان نڪري حادثي جو شڪار ٿي وئي جنهن سبب 30 ڄڻا فوت ۽ ڪيترائي زخمي ٿي پيا. حادثي جو سبب ڪوتاهي ۽ تيز رفتاري کي قرار ڏنو ويو آهي.