والاريل ڄمون ڪشمير جي سانبه ضلعي ۾ ڀارتي فوج جو گهيراءُ، 2 ڄڻا گرفتار

ڄمون-03 فيبروري (اي پي پي) غيرقانوني طور تي ڀارت جي قبضي هيٺ ڄمون ڪشمير جي ضلعي سانبه ۾ ڀارتي فوج گهيراءُ ۽ تلاشي جي ڪارروائي ڪندي 2 ڄڻن کي گرفتار ڪري ورتو. ڪشمير ميڊيا سروس مطابق ضلعي جي علائقي بڙي برهمنه ۾ ايم اي ايس بلڊنگ ويجهو 2 ڄڻن کي گرفتار ڪيو ويو جيڪي فوجي وردي پهريل هئا. شڪي ماڻهن جي گرفتاري کانپوءِ علائقي ۾ سيڪيورٽي هاءِ الرٽ ڪئي وئي. ڀارتي فوج علائقي جو ڪڙو چاڙهي تلاشي جي ڪارروائي شروع ڪري ڇڏي.