تهران – 01 فيبروري (اي پي پي) ايران ۽ آمريڪا وچ ۾ وڌندڙ ڇڪتاڻ دوران ايراني ايٽمي توانائي جي تنظيم جي سربراهه محمد اسلامي وڌيڪ چيو ته ايران اڃان به جنگ جي حالت ۾ آهي ۽ هو خطرن کي سنجيدگي سان وٺي رهيو آهي. پرڏيهي ميڊيا مطابق محمد اسلامي وڌيڪ چيو ته اسانکي دفاعي مقصدن لاءِ ايٽمي هٿيارن جي ضرورت ناهي ۽ اسان ان هدف کي حاصل ڪرڻ لاءِ ڪافي …
اسان جنگ جي حالت ۾ آهيون ۽ خطرن کي سنجيدگي سان وٺي رهيا آهيون: ايراني ايٽمي توانائي تنظيم جو سربراهه
تهران – 01 فيبروري (اي پي پي) ايران ۽ آمريڪا وچ ۾ وڌندڙ ڇڪتاڻ دوران ايراني ايٽمي توانائي جي تنظيم جي سربراهه محمد اسلامي وڌيڪ چيو ته ايران اڃان به جنگ جي حالت ۾ آهي ۽ هو خطرن کي سنجيدگي سان وٺي رهيو آهي. پرڏيهي ميڊيا مطابق محمد اسلامي وڌيڪ چيو ته اسانکي دفاعي مقصدن لاءِ ايٽمي هٿيارن جي ضرورت ناهي ۽ اسان ان هدف کي حاصل ڪرڻ لاءِ ڪافي صلاحيتون رکون ٿا. اهو بيان هڪ اهڙي وقت ۾ سامهون آيو آهي جڏهن آمريڪا تازو ئي وچ اوڀر ۾ پنهنجي فوج کي مضبوط ڪيو آهي، خاص طور تي آمريڪي صدر ڊونلڊ ٽرمپ پاران ايران تي فوجي حملي جي ڌمڪي کانپوءِ جهاز بردار سامونڊي جهاز ”يو ايس ابراهام لنڪن“ جي قيادت ۾ هڪ سامونڊي جهاز جي مقرري ڪئي وئي آهي. جمعي تي آمريڪي صدر اعلان ڪيو هو ته ايران فوجي ڪارروائي کان بچڻ لاءِ معاهدو ڪرڻ چاهي ٿو ۽ هن تهران کي پنهنجن تجويزن جو جواب ڏيڻ لاءِ هڪ اڻ اعلانيل ڊيڊ لائن ڏئي ڇڏي آهي. ٻئي پاسي ايراني صدر مسعود پيزشڪيان ان ڳالهه جي تصديق ڪئي هئي ته ايران ڳالهين جي آجيان ڪري ٿو ۽ جنگ نه ٿو چاهي.
