اسلام آباد - 29 جنوري (اي پي پي) خيبرپختونخواهه جي مختلف ضلعن سان تعلق رکندڙ صحافين جي وفد ايسوسيئيٽيڊ پريس آف پاڪستان (اي پي پي) جو دورو ڪيو. دوري جو اهتمام غيرسرڪاري تنظيم انڊيويجويل لينڊ پاران ڪيو ويو. دوري جو مقصد قومي ادارن ۽ صحافين جي وچ ۾ هم آهنگي ۽ ميڊيا بابت معلومات کان آگاهي هو. ايگزيڪيوٽو ڊائريڪٽر نيوز محمد عثمان خان ڪاڪڙ وفد جي ميمبرن کي اي پي …
خيبرپختونخواهه جي مختلف ضلعن سان تعلق رکندڙ صحافين جي وفد جو اي پي پي جو دورو
مزید خبریں
اسلام آباد – 29 جنوري (اي پي پي) خيبرپختونخواهه جي مختلف ضلعن سان تعلق رکندڙ صحافين جي وفد ايسوسيئيٽيڊ پريس آف پاڪستان (اي پي پي) جو دورو ڪيو. دوري جو اهتمام غيرسرڪاري تنظيم انڊيويجويل لينڊ پاران ڪيو ويو. دوري جو مقصد قومي ادارن ۽ صحافين جي وچ ۾ هم آهنگي ۽ ميڊيا بابت معلومات کان آگاهي هو. ايگزيڪيوٽو ڊائريڪٽر نيوز محمد عثمان خان ڪاڪڙ وفد جي ميمبرن کي اي پي پي جي تاريخ، قومي بيانيي جي جوڙجڪ ۾ اداري جي ڪردار، مختلف شعبن جي ڪارڪردگي ۽ انگلش، اردو، سنڌي، عربي، چيني، پشتو، سرائيڪي، بلوچي ۽ براهوي زبانن ۾ نيوز سروسز جي فراهمي تي تفصيلي بريفنگ ڏني. ڊائريڪٽر ٽريننگ ڪاشف رضوي مختلف زبانون سکڻ جي اهميت کان آگاهه ڪيو. انچارج ڊيجيٽل ۽ سوشل ميڊيا عارف حسين لاشاري موجوده دور ۾ ان شعبي جي اهميت ۽ اهميت کي اجاگر ڪيو. هن ان شعبي ۾ اي پي پي جي ڪاميابين جو ذڪر ڪيو. ايگزيڪيوٽو ڊائريڪٽر نيوز محمد عثمان خان ۽ ڊائريڪٽر اردو نيوز سروس عبدالحميد تبسم شرڪت ڪندڙن جي آجيان ڪئي ۽ انهن جي سوالن جا جواب پڻ ڏنا. وفد اي پي پي جي مختلف سروسز، ڊيٽا سينٽر ۽ ٻين شعبن جو دورو ڪيو ۽ شرڪت ڪندڙن اي پي پي جي قومي بيانيي کي فروغ ڏيڻ ۾ ڪردار کي ساراهيو. وفد ۾ خيبرپختونخواهه جي گورنر جو پي آر او فضل الرحمان، انڊيويجويل لينڊ جو پروگرام آفيسر سيف الله کوسو ۽ سينيئر ٽرينر مشهود علي پڻ شامل هئا.
