اسلام آباد - 29 جنوري (اي پي پي) وقتي صدر سيد يوسف رضا گيلاني سان انجنيئرنگ ڊيولپمينٽ بورڊ جي چيف ايگزيڪيوٽو آفيسر حماد علي منصور ايوان صدر ۾ ملاقات ڪئي. ايوان صدر جي ميڊيا ونگ موجب ان موقعي تي ڳالهه ٻولهه ڪندي سيد يوسف رضا گيلاني پاڪستان جي انجنيئرنگ شعبي جي ترقي جي لاءِ انجنيئرنگ ڊيولپمينٽ بورڊ جي فعال ڪردار کي ساراهيو ۽ ماحولياتي خدشن جي ڏس ۾ اليڪٽرڪ گاڏين …
وقتي صدر سيد يوسف رضا گيلاني سان انجنيئرنگ ڊيولپمينٽ بورڊ جي چيف ايگزيڪيوٽو آفيسر حماد علي منصور جي ملاقات
مزید خبریں
اسلام آباد – 29 جنوري (اي پي پي) وقتي صدر سيد يوسف رضا گيلاني سان انجنيئرنگ ڊيولپمينٽ بورڊ جي چيف ايگزيڪيوٽو آفيسر حماد علي منصور ايوان صدر ۾ ملاقات ڪئي. ايوان صدر جي ميڊيا ونگ موجب ان موقعي تي ڳالهه ٻولهه ڪندي سيد يوسف رضا گيلاني پاڪستان جي انجنيئرنگ شعبي جي ترقي جي لاءِ انجنيئرنگ ڊيولپمينٽ بورڊ جي فعال ڪردار کي ساراهيو ۽ ماحولياتي خدشن جي ڏس ۾ اليڪٽرڪ گاڏين طرف منتقلي جي اهميت ۽ پائيدار معاشي ترقي جي فروغ جي ضرورت تي زور ڏنو. وقتي صدر چيو ته هڪ پاڪستاني برانڊ تحت مقامي طور تي تيار ڪيل ميڊ اِن پاڪستان گاڏي ۽ سستي اليڪٽرڪ بائيڪس متعارف ڪرايون وڃن ته جيئن عوام کي گهٽ لاڳت ۽ آسان سفري سهولتون فراهم ڪري سگهجن ۽ مقامي صنعت کي فروغ ڏئي سگهجي. وقتي صدر انجنيئرنگ شعبي کي معاشي ترقي ۽ صنعتي اڳڀرائي جو هڪ اهم محرڪ قرار ڏيندي ان جي مڪمل سرڪاري سرپرستي جاري رکڻ جي عزم جو ورجاءُ ڪيو. ان کان اڳ حماد علي منصور وقتي صدر کي انجنيئرنگ ڊيولپمينٽ بورڊ جي ڪردار ۽ مينڊيٽ کان آگاهه ڪيو جيڪو صنعت ۽ پيداوار واري وزارت تحت هڪ اعليٰ ادارو آهي جنهن کي 1995ع ۾ پاڪستان جي انجنيئرنگ سيڪٽر کي مضبوط بڻائڻ جي لاءِ قائم ڪيو ويو هو. هن صنعتي ترقي جي فروغ، روانگي واپار ۾ اضافي، تحقيق ۽ ترقي جي سهڪار، فني مهارتن ۾ بهتري ۽ شعبي کي عالمي معيار سان هم آهنگ ڪرڻ جي لاءِ اي ڊي بي جي اهم قدمن کان آگاهه ڪيو. سي اي او وقتي صدر کي جاري پاليسي قدمن کان پڻ آگاهه ڪيو جن ۾ ڊگهي مدي واري اسٽريٽجڪ منصوبابندي، ٽيرف ۾ سڌارن، صنعتي ترقي جي فريم ورڪ، آٽو موبائيل ۽ اليڪٽرڪ وهيڪل پاليسي سميت انجنيئرنگ صنعت ۾ جدت، جديد ٽيڪنالاجي جي استعمال ۽ انساني وسيلن جي ترقي کي فروغ ڏيڻ جون ڪوششون شامل آهن.
