چين ۾ ڪوئلي جي کاڻ ۾ حادثو، 4 ڄڻا اجل جو شڪار، 3 لاپتا

بيجنگ-25 ڊسمبر (اي پي پي) چين جي صوبي يونان ۾ ڪوئلي جي کاڻ ۾ پيش آيل حادثي جي نتيجي ۾ 4 ماڻهو فوت ٿي ويا جڏهن ته 3 اڃان تائين لاپتا آهن. پرڏيهي ميڊيا موجب اهو حادثو ڪوئلي ۽ گئس جي اوچتي نيڪال سبب پيش آيو. ريسڪيو ٽيمن موقعي تي پهچي امدادي ڪارروايون شروع ڪيون ۽ چئن ماڻهن جا لاش ڪڍي ورتا. عملدارن جو چوڻ هو ته گم ٿيل ماڻهن جي ڳولا لاءِ ريسڪيو آپريشن جاري آهي جڏهن ته حادثي جا سبب ڄاڻن لاءِ جاچ به شروع ڪئي وئي آهي.