پي آءِ ڊي لاڳاپيل سرڪاري ادارن سان گڏجي اشتهارن جي بلنگ ۽ ادائيگي جي نظام کي موثر بڻائڻ جي لاءِ مسلسل قدم کڻي رهيو آهي: شفقت عباس

فيصل آباد  -22 ڊسمبر (اي پي پي) پريس انفارميشن ڊپارٽمينٽ لاهور جي ريجنل ڊائريڪٽر جنرل شفقت عباس چيو آهي ته پريس انفارميشن ڊپارٽمينٽ پنهنجي ذيلي ۽ هم منصب سرڪاري ادارن سان گڏجي اشتهارن جي بلنگ ۽ ادائيگي جي نظام کي موثر، ٺوس ۽ شفاف بڻائڻ جي لاءِ مسلسل قدم کڻي رهيو آهي جنهن سان نه رڳو اخباري صنعت جي وچ ۾ گڏيل تعاون کي فروغ مليو پر ميڊيا ۽ حڪومت جي وچ ۾ اعتماد ۽ پيشيواراڻا لاڳاپا پڻ وڌيڪ مضبوط ٿيا آهن. اهڙن خيالن جو اظهار هن فيسڪو جي چيف ايگزيڪيوٽو انجنيئر محمد عامر جي نالي پنهنجي هڪ خط ۾ ڪيو. هن پريس انفارميشن ڊپارٽمينٽ اطلاعات ۽ نشريات واري وزارت، پاڪستان حڪومت پاران فيسڪو کي مالي سال 25 – 2024ع دوران اشتهاري رهتن جي وقت سر ادائيگي تي خراج تحسين پيش ڪيو. هن فيسڪو انتظاميا جي وقت سر ردعمل ۽ اشتهاري رهتن جي مقرر مدي جي اندر ادائيگي کي ساراهه جوڳو قرار ڏنو آهي. ڊي جي (پي آءِ ڊي) فيسڪو جي چيف ايگزيڪيوٽو انجنيئر محمد عامر، ڊائريڪٽر (پبلڪ ريليشنز) محمد سعيد رضا ۽ سندس ٽيم جي خصوصي طور تي ساراهه ڪندي چيو ته انهن جي محنت، لڳاءُ ۽ پيشيواراڻي صلاحيتن جي ڪري گهربل رڪارڊ وقت سر ۽ مقرر طريقيڪار موجب فراهم ڪيو ويو، جنهن سان اشتهاري معاملن جي تڪميل ۾ نمايان سهولت ملي. هن اميد ظاهر ڪئي ته فيسڪو مستقبل ۾ اهڙي طرح مثالي ڪارڪردگي ۽ نظم ۽ ضبط جو مظاهرو ڪندو رهندو جيڪو نه رڳو ٻنهي ادارن جي وچ ۾ هم آهنگي ۽ گڏيل رابطا وڌيڪ مضبوط ڪندو پر اشتهارن جي وقت سر اشاعت ۾ مددگار ثابت ٿيندو. پي آءِ ڊي ان عزم جو ورجاءُ ڪري ٿو ته حڪومتي پاليسين تحت اشتهارن جي نظام کي وڌيڪ بهتر بڻائڻ جي لاءِ سمورن لاڳاپيل ادارن سان ويجهو ۽ موثر تعاون جاري رکيو ويندو.