اسلام آباد – 02 ڊسمبر (اي پي پي) وزيراعظم محمد شهباز شريف چيو آهي ته روانگي واپار ۾ اضافي جي ذريعي معاشي تري جي لاءِ عملي قدم کڻي رهيا آهيون، ڪاروباري شخصيتون ۽ سيڙپڪار قابل احترام آهن، مختلف ورڪنگ گروپس جي تجويزن تي عملدرآمد يقيني بڻايو ويندو، ڪاروبار ۽ مضبوط معيشت سان ئي ٽيڪس آمدني ۾ اضافو ٿيندو. وزيراعظم آفيس جي ميڊيا ونگ پاران جاري بيان موجب هن اهڙن خيالن …
روانگي واپار ۾ اضافي جي ذريعي معاشي تري جي لاءِ عملي قدم کڻي رهيا آهيون: وزيراعظم محمد شهباز شريف
اسلام آباد – 02 ڊسمبر (اي پي پي) وزيراعظم محمد شهباز شريف چيو آهي ته روانگي واپار ۾ اضافي جي ذريعي معاشي تري جي لاءِ عملي قدم کڻي رهيا آهيون، ڪاروباري شخصيتون ۽ سيڙپڪار قابل احترام آهن، مختلف ورڪنگ گروپس جي تجويزن تي عملدرآمد يقيني بڻايو ويندو، ڪاروبار ۽ مضبوط معيشت سان ئي ٽيڪس آمدني ۾ اضافو ٿيندو. وزيراعظم آفيس جي ميڊيا ونگ پاران جاري بيان موجب هن اهڙن خيالن جو اظهار معاشي سڌارن جي لاءِ نجي شعبي جي ماهرن ۽ ڪاروباري شخصيتن تي ٻڌل ٽيڪس جي شعبي جي سڌارن بابت قائم ورڪنگ گروپ جي اجلاس جي صدارت ڪندي ڪيو. اجلاس ۾ وفاقي وزيرن احد خان چيما، محمد اورنگزيب، علي پرويز ملڪ، مملڪتي وزير بلال اظهر ڪياني، خاص معاون هارون اختر ۽ لاڳاپيل اعليٰ عملدارن شرڪت ڪئي. اجلاس ۾ ورڪنگ گروپ جي چيئرمين شهزاد سليم سميت ٻين ميمبرن پڻ شرڪت ڪئي. اجلاس ۾ شريڪ ڪاروباري شخصيتن ۽ سيڙپڪارن گذريل اجلاس ۾ ايڪسپورٽ ڊيولپمينٽ سرچارج ختم ڪرڻ جي حڪمن تي وزيراعظم جا ٿورا مڃيا. وزيراعظم چيو ته حڪومت ٽيڪس ڏيندڙ ڪاروباري ماڻهن ۽ ڪمپنين کي قدر جي نگاهه سان ڏسي ٿي، ڊگهي مدي واري قدمن جي ذريعي ملڪ ۾ ڪاروبار کي بهتر ۽ مقابلي وارو بڻائڻ چاهيون ٿا، حڪومت پهرين ڏينهن کان روانگي واپار ۾ اضافي تي ٻڌل معاشي ترقي جي لاءِ عملي قدم کڻي رهي آهي. وزيراعظم چيو ته نجي شعبي جي ماهرن پاران جامع تجويزون پيش ڪيون ويون جن تي ٿورائتو آهيان، انهن تجويزن تي غور کانپوءِ انهن کي عمل جوڳو بڻائڻ جي لاءِ ناڻي واري وزير جي صدارت ۾ ڪميٽي قائم ڪري رهيو آهيان، ڪميٽي عملي قدمن تي ٻڌل حڪمت عملي پيش ڪندي. اجلاس کي ڪارپوريٽ شعبي سميت مختلف شعبن ۾ ٽيڪسن جي شرح ۽ تقابلي جائزو پيش ڪيو ويو. اجلاس کي پاڪستان ۾ نجي شعبي جي ترقي، روانگي واپار ۽ سيڙپڪاري ۾ اضافي جي لاءِ ضروري ٽيڪس سڌارن تي تجويزون پيش ڪيون ويون. اجلاس کي خطي ۾ پاڪستاني ڪاروباري شعبي جي مسابقت وڌائڻ جي حوالي سان پڻ تجويزون پيش ڪيون ويون.
