وفاقي وزير احسن اقبال پاران پاڪستان پاپوليشن سمٽ کي خطاب

اسلام آباد-01 ڊسمبر (اي پي پي)رٿابندي، ترقي ۽ خاص قدمن واري وفاقي وزير پروفيسر احسن اقبال چيو آهي ته حڪومت صحت، غذائيت، تعليم، سماجي تحفظ، پاڻي ۽ مقامي حڪومت جهڙن ڪيترن ئي شعبن کي جامع ڪندي هنگامي قدمن طرف وڌي رهي آهي. سومر ڏينهن وڊيو لنڪ ذريعي خطاب ۾ هن چيو ته وزيراعظم محمد شهباز شريف خوراڪ جي کوٽ جو شڪار ۽ آبادي مئنيجمينٽ کي قومي سطح تي سڀ کان وڏي ترجيح قرار ڏنو آهي. هن ٻڌايو ته حڪومت صحت، غذائيت، تعليم، سماجي تحفظ، پاڻي ۽ مقامي حڪومت جهڙن ڪيترن ئي شعبن کي مربوط ڪندي هنگامي قدمن طرف وڌي رهي آهي. هن چيو ته اعليٰ اسٽنٽنگ وارا ملڪ پنهنجي جي ڊي پي جو 2 کان 3 سيڪڙو ساليانو وڃائين ٿا، جڏهن ته اسٽنٽڊ (ڪمزور واڌ ويجهه وارا) ٻار پنهنجي سڄي زندگي ۾ 22 سيڪڙو تائين گهٽ ڪمائين ٿا. هن چيو ته هي مسئلو صرف صحت جو نه پر قومي پيداواريت جو بحران آهي ۽ پاڪستان جي ڊگهي مدي واري معاشي پائيداري لاءِ خطرو به آهي. هن 2050ع ۾ آبادي 370 ملين تائين پهچڻ جي امڪان جو حوالو ڏيندي ان کي مستقبل جي استحڪام ۽ ترقي لاءِ فيصلائتو چئلينج قرار ڏنو. پاڪستان پاپوليشن سمٽ، جيڪا اسلام آباد ۾ ڊان ميڊيا گروپ جي انتظام هيٺ منعقد ٿي، آبادي ۾ توازن جي بحالي ۽ پائيدار مستقبل جي تعمير بابت قومي بحث فراهم ڪري ٿو. ان ٻن ڏينهن واري سمٽ ۾ سياستدان، معاشي ماهر، ترقياتي ماهر، نجي شعبي جا اڳواڻ ۽ ٻيا ماهر شريڪ آهن ته جيئن وڌندڙ آبادي جي صحت، خوراڪ، پاڻي ۽ روزگار تي پوندڙ دٻاءَ کي نظر ۾ رکندي گڏيل ويزن جوڙي سگهجي.