اسلام آباد-25 نومبر (اي پي پي) اسلام آباد هاءِ ڪورٽ جي جسٽس راجا انعام امين منهاس جي ٻڌڻي دوران اوچتو طبيعت خراب ٿي وئي، جنهن کانپوءِ هن کي فوري شروعاتي طبي امداد کانپوءِ اسپتال منتقل ڪيو ويو. عدالتي اهلڪار مطابق جسٽس راجا انعام امين منهاس ۽ جسٽس ارباب محمد طاهر جي بئنچ ٻڌڻي ڪري رهي هئي تڏهن اوچتو جسٽس راجا انعام امين منهاس بيهوش ٿي ويو. هن کي فوري طور …
جسٽس راجا انعام امين منهاس جي ٻڌڻي دوران اوچتو طبيعت خراب، فوري شروعاتي طبي امداد کانپوءِ اسپتال منتقل
مزید خبریں
اسلام آباد-25 نومبر (اي پي پي) اسلام آباد هاءِ ڪورٽ جي جسٽس راجا انعام امين منهاس جي ٻڌڻي دوران اوچتو طبيعت خراب ٿي وئي، جنهن کانپوءِ هن کي فوري شروعاتي طبي امداد کانپوءِ اسپتال منتقل ڪيو ويو. عدالتي اهلڪار مطابق جسٽس راجا انعام امين منهاس ۽ جسٽس ارباب محمد طاهر جي بئنچ ٻڌڻي ڪري رهي هئي تڏهن اوچتو جسٽس راجا انعام امين منهاس بيهوش ٿي ويو. هن کي فوري طور تي ڪلثوم انٽرنيشنل اسپتال منتقل ڪيو ويو جتي چيف جسٽس سردار محمد سرفراز ڊوگر ۽ ٻيا ججز به موجود رهيا. اسپتال ذريعن ٻڌايو ته جسٽس راجا انعام امين منهاس هوش ۾ اچي ويو آهي ۽ سندس طبيعت پهرين کان بهتر آهي. کيس مختلف ميڊيڪل ٽيسٽن لاءِ معائني هيٺ رکيو ويو آهي ته جئين مڪمل صحتيابي کي يقيني بڻائي سگهجي.
