واپار واري وفاقي وزير ڄام ڪمال خان پاران عالمي فوڊ ۽ ايگريڪلچر نمائش ”فوڊ ايگ 2025ع“ جو افتتاح

اسلام آباد -25 نومبر (اي پي پي) واپار بابت وفاقي وزير ڄام ڪمال خان گذريل ڏينهن ڪراچي ايڪسپو سينٽر ۾ ٽين عالمي فوڊ ۽ ايگريڪلچر نمائش ”فوڊ ايگ 2025ع“ جو افتتاح ڪيو. نمائش ۾ 350 کان وڌيڪ پاڪستاني ايڪسپورٽرز باسمتي چانور، خشڪ انب، ڪينو، کجور، همالين گلابي لوڻ، معياري سي فوڊ، حلال گوشت، ڊيري مصنوعات، مصالحن ۽ ويليو ايڊڊ فوڊز سميت پاڪستان جي بهترين زرعي ۽ غذائي مصنوعات نمائش ۾ پيش ڪيون. 27 نومبر تائين جاري رهندڙ ان نمائش ۾ دنيا جي 80 کان وڌيڪ ملڪن جي 800 کان وڌيڪ پري ڪواليفائيڊ خريدار شرڪت ڪندا، جيڪي پاڪستان جي تاريخ ۾ ڪنهن هڪ واپاري ايونٽ لاءِسڀ کان وڏا عالمي خريدار ڊيليگيشن آهن. نمائش جي افتتاح جي موقعي تي وفاقي وزير چيو ته پاڪستان جي زرعي، موسمياتي خطي ۽ وزيراعظم جي مارڪيٽ اوپننگ سفارتڪاري تحت ٺاهيل حڪومتي پاليسين اسان کي رڳو هڪ وڏي پيداوار رکندڙ ملڪ سان عالمي سطح جي برانڊڊ سپلائر ۾ تبديل ڪرڻ شروع ڪيو آهي. فوڊ ايگ 2025ع ۾ سڄي دنيا جي سنجيده خريدارن جي ان تاريخي شرڪت سان ثابت ٿئي ٿو ته اسان جي حڪمت عملي واضح طور ڪامياب ٿي رهي آهي. هن چيو ته خريدار وفد ۾ ايشيا جا نمايان آمدني واپار ڪندڙ شامل آهن جن جو تعداد 300 کان وڌيڪ آهي. انهن وفد جي قيادت چين جون وڏيون سرڪاري ۽ نجي ڪمپنيون، برناس ملائيشيا، پي ٽي لارس، مانس اتاما انڊونيشيا ۽ سريلنڪا جا وڏا ڪاروباري گروپ ڪري رهيا آهن. يورپ مان شامل ٿيندڙ خريدارن ۾ سريا فوڊز (يورپ جو سڀ کان وڏو باسمتي خريدار)، اي آءِ بي فوڊز، آئيتاچ فوڊز، سڪيپنز اينڊ ڪمپني، بيلجيئم ۽ ميگروس ترڪيه شامل آهن. وچ اوڀر ۽ نار خطي مان مرڪزي مي ڊي ايم سي سي، سنڊر ٽريڊنگ قطر ۽ ڊي اوشن فشريز بحرين شريڪ ٿي رهيا آهن. ڄام ڪمال خان چيو ته آفريقا جي ڪينيا، صوماليه، ڪيمرون، انگولا، روانڊا، ماريش ۽ ٻين ملڪن مان 200 کان وڌيڪ خريدار شامل ٿيندا جڏهن ته آسٽريليا، ڪينيڊا، آمريڪا ۽ روس جا اهم واپاري گروپ به ان رڪارڊ وفد جو حصو آهن. هن چيو ته هزارين طي ٿيل بي ٽو بي ملاقاتون، پائيداري ۽ ٽريس ايبلٽي اعليٰ سطحي ڪانفرنسون ۽ پاڪستاني غذائن جو خاص پويلين جن ۾ پنجن کنڊن جا 21 عالمي شهرت رکندڙ شيف صرف پاڪستاني شين سان لائيو ڪوڪنگ ڪندا، فوڊ ايگ 2025ع کي هڪ سنگ ميل ايونٽ بڻائينداسين، جنهن سان هڪ ارب ڊالر کان وڌيڪ جي روانگي واپار ڪاروبار جي اميد آهي.