اسلام آباد-24 نومبر (اي پي پي) سرڪاري ملڪيتي ادارن بابت ڪابينا ڪميٽي اهم سرڪاري ادارن ۾ اهم مقررين ۽ بورڊز جي نئين سر جوڙجڪ جي منظوري ڏئي ڇڏي. ناڻي واري وزارت مطابق سرڪاري ملڪيتي ادارن بابت ڪابينا ڪميٽي جو اجلاس ناڻي واري وفاقي وزير سينيٽر محمد اورنگزيب جي صدارت ۾ منعقد ٿيو، اجلاس ۾ منصوبابندي وارو وفاقي وزير احسن اقبال، سائنس ۽ ٽيڪنالاجي وارو وفاقي وزير خالد حسين مگسي، لاڳاپيل …
سرڪاري ملڪيتي ادارن بابت ڪابينا ڪميٽي اهم سرڪاري ادارن ۾ اهم مقررين ۽ بورڊز جي نئين سر جوڙجڪ جي منظوري ڏئي ڇڏي
مزید خبریں
اسلام آباد-24 نومبر (اي پي پي) سرڪاري ملڪيتي ادارن بابت ڪابينا ڪميٽي اهم سرڪاري ادارن ۾ اهم مقررين ۽ بورڊز جي نئين سر جوڙجڪ جي منظوري ڏئي ڇڏي. ناڻي واري وزارت مطابق سرڪاري ملڪيتي ادارن بابت ڪابينا ڪميٽي جو اجلاس ناڻي واري وفاقي وزير سينيٽر محمد اورنگزيب جي صدارت ۾ منعقد ٿيو، اجلاس ۾ منصوبابندي وارو وفاقي وزير احسن اقبال، سائنس ۽ ٽيڪنالاجي وارو وفاقي وزير خالد حسين مگسي، لاڳاپيل وزارتن، ڊويزنز ۽ ريگيوليٽري ادارن جي سيڪريٽرين ۽ سينئر آفيسرن شرڪت ڪئي. اجلاس دوران فنانس ڊويزن، ميري ٽائم افيئرز ڊويزن، پئٽروليم ڊويزن ۽ صنعت ۽ پيداوار واري ڊويزن طرفان پيش ڪيل سمرين تي غور ڪيو ويو، پيش ڪيل ايجنڊا آئٽمز جي منظوري ڏني وئي، جنهن ۾ فنانس ڊويزن طرفان زرعي ترقياتي بئنڪ لميٽيڊ جي بورڊ لاءِ هڪ اعليٰ ڊائريڪٽر جي مقرري، ميري ٽائيم افيئرز ڊويزن جي تجويز تي پورٽ قاسم اٿارٽي ڪراچي جي بورڊ ۾ آزاد ڊائريڪٽرز جي مقرري ۽ پيٽروليم ڊويزن طرفان سوئي ناردرن گيس پائيپ لائنز لميٽيڊ جي بورڊ ۾ هڪ خالي سيٽ ڀرڻ لاءِ نامزدگي شامل هئي. اجلاس ۾ صنعتن ۽ پيداوار واري ڊويزن جي 3 سمرين جي پڻ منظوري ڏني وئي، جن ۾ سنڌ انجنيئرنگ پرائيويٽ لميٽيڊ جي بورڊ آف ڊائريڪٽرز جي جوڙجڪ، سمال اينڊ ميڊيئم انٽرپرائزز ڊولپمينٽ اٿارٽي سميڊا جي بورڊ ۾ پنجاب مان هڪ نجي شعبي جي ميمبر جي مقرري ۽ اسٽيٽ انجنيئرنگ ڪارپوريشن جي بورڊ آف ڊائريڪٽرز جي جوڙجڪ شامل آهي. ناڻي واري وزير نجي شعبي مان آزاد ڊائريڪٽرز لاءِ موزون اميدوارن جي چونڊ ۾ اختيار ڪيل محنت ۽ سنجيدگيءَ کي ساراهيو. هن ان ڳالهه تي زور ڀريو ته ان ڪڙي چونڊ عمل کي جاري رکڻ ضروري آهي ته جيئن اهڙن ماڻهن کي ادارن ۽ ٻين سرڪاري ڪمپنين جي گورننگ بورڊز ۾ شامل ڪيو وڃي جيڪي گهربل تجربو، مهارت، علم ۽ پيشيوراڻي اهليت رکندڙ هجن. ڪميٽي فنانس ڊويزن ۽ نجڪاري ڊويزن کي به هدايت ڪئي ته هو نجڪاريءَ لاءِ چونڊيل سرڪاري ادارن جي التوا هيٺ ڪيسن جو جامع جائزو ۽ تجزيو ڪن ۽ لاڳاپيل وزارتن ۽ لا ڊويزن سان رابطو ڪري هڪ اهڙي طريقيڪار جي نشاندهي ڪن جيڪو ان مسئلن کي آسان بڻائي سگهي ته جيئن نجڪاريءَ جو عمل بنا ڪنهن رڪاوٽ جي اڳتي وڌي سگهي. اي
