ٽنڊي محمد خان ۾ تيز رفتار ٽرالر جو موٽر سائيڪل کي ٽڪر، 2 ڄڻا فوت

ٽنڊو محمد خان-21 نومبر (اي پي پي) ٽنڊي محمد خان ۾ تيز رفتار ٽرالر ۽ موٽر سائيڪل ۾ ٽڪر جي نتيجي ۾ 2 ڄڻا فوت ٿي ويا. ٽنڊو محمد خان- شاهه ڪريم روڊ تي ضلعي سرڪاري هيڊ ڪوارٽر اسپتال آڏو حقاني مسجد ويجهو ٽرالر ۽ موٽر سائيڪل ۾ ٽڪر ٿي پيو جنهن جي نتيجي ۾ موٽر سائيڪل سوار 2 ڄڻا ريحان گدي پٺاڻ ۽ اُسامه گدي پٺاڻ موقعي تي فوت ٿي ويا. جن جي لاشن کي ڊسٽرڪٽ هيڊ ڪوارٽر اسپتال آندو ويو. حادثي کان پوءِ ٽرالر جو ڊرائيور ٽرالر ڇڏي فرار ٿي ويو.