اسلام آباد-15 آڪٽوبر (اي پي پي) رٿابندي، ترقي، سڌارن ۽ خاص قدمن واري وفاقي وزير پروفيسر احسن اقبال جي صدارت هيٺ آباديءَ ۾ واڌ تي ضابطو آڻڻ بابت وزيراعظم محمد شهباز شريف جي هدايت تي قائم ڪيل ڪميٽيءَ جو اجلاس منعقد ٿيو. اجلاس ۾ موسمياتي تبديليءَ بابت وفاقي وزير ڊاڪٽر مصدق ملڪ، قومي اسيمبلي ميمبر ڊاڪٽر سائره افضل تارڙ ۽ سماجيات واري نالي واري سماجي ماهر زيبا ستار شرڪت ڪئي. …
وفاقي وزير پروفيسر احسن اقبال جي صدارت هيٺ آباديءَ ۾ واڌ تي ضابطو آڻڻ بابت قائم ڪميٽيءَ جي اجلاس منعقد
مزید خبریں
اسلام آباد-15 آڪٽوبر (اي پي پي) رٿابندي، ترقي، سڌارن ۽ خاص قدمن واري وفاقي وزير پروفيسر احسن اقبال جي صدارت هيٺ آباديءَ ۾ واڌ تي ضابطو آڻڻ بابت وزيراعظم محمد شهباز شريف جي هدايت تي قائم ڪيل ڪميٽيءَ جو اجلاس منعقد ٿيو. اجلاس ۾ موسمياتي تبديليءَ بابت وفاقي وزير ڊاڪٽر مصدق ملڪ، قومي اسيمبلي ميمبر ڊاڪٽر سائره افضل تارڙ ۽ سماجيات واري نالي واري سماجي ماهر زيبا ستار شرڪت ڪئي. پروفيسر احسن اقبال خطاب ڪندي چيو ته آباديءَ ۾ بي پناهه اضافو هڪ قومي ايمرجنسي جي حيثيت اختيار ڪري چڪو آهي جنهن کي مُنهن ڏيڻ لاءِ همه گير ۽ مربوط ترقياتي حڪمت عملي اختيار ڪئي پئي وڃي. هن چيو ته آباديءَ تي اثرائتي ڪنٽرول لاءِ وفاق ۽ صوبن وچ ۾ ويجهن ناتن ۽ هم آهنگي کي يقيني بڻايو ويندو. وفاقي وزير چيو ته آباديءَ ۾ واڌ جو تعلق صرف صحت جي شعبي ۾ سان ناهي پر ان جا معاشي ۽ معاشرتي رُخ به آهن جيڪي سمورن معاشي ۽ سماجي اهڃاڻن تي سڌيءَ ريت اثر وجهن ٿا. هن ان ڳالهه تي زور ڀريو ته وقت اچي ويو آهي ته آباديءَ جي شرح کي وسيع تر قومي منصوبابندي جو حصو بڻائيندي ضابطي ۾ آندو وڃي. هن چيو ته اين ايف سي ايوارڊ ۾ آباديءَ جي تناسب کي ترتيبوار گهٽ ڪرڻ گهرجي ته جيئن وسيلن جي ورڇ کي آبادي ۾ گهٽتائيءَ سان مشروط ڪري سگهجي. سندس چوڻ هو ته وفاقي حڪومت صوبائي حڪومتن سان گڏجي هڪ جامع لائحه عمل جوڙي رهي آهي. وفاقي وزير چيو ته اُڏام پاڪستان جو ويزن نوجوانن کي تعليم ۽ روزگار جا ڀرپور موقعا فراهم ڪرڻ آهي ته جيئن ملڪي ترقيءَ ۾ نوجوانن جو ڪردار وڌيڪ اثرائتو بڻائي سگهجي. اجلاس ۾ فيصلو ڪيو ويو ته ڪميٽيءَ طرفان پيش ڪيل سفارشن کي حتمي شڪل ڏيڻ ۽ آئينده حڪمت عملي واضح ڪرڻ لاءِ 10 ڏينهن اندر ٻيهر اجلاس طلب ڪيو ويندو.
