حيدرآباد-13 آڪٽوبر (اي پي پي) تعليم واري وفاقي وزير ۽ ايم ڪيو ايم (پاڪستان) جي سربراهه خالد مقبول صديقي چيو آهي ته سندس پارٽي گذريل آدمشماريءَ کي پنج سالن جو عرصو مڪمل ٿيڻ کانپوءِ ٻيهر آدمشماريءَ جو مطالبو ڪندي. حيدرآباد انسٽيٽيوٽ فار ٽيڪنالاجي اينڊ مئنجمينٽ سائنسز ۾ ڪيمپس جو پهريون سال مڪمل ٿيڻ جي سلسلي ۾ رٿيل هڪ تقريب جي موقعي تي ميڊيا سان ڳالهائيندي هن چيو ته افغان شهرين …
ايم ڪيو ايم (پاڪستان) گذريل آدمشماريءَ کي پنج سالن جو عرصو مڪمل ٿيڻ کانپوءِ ٻيهر آدمشماريءَ جو مطالبو ڪندي: وفاقي وزير خالد مقبول صديقي
مزید خبریں
حيدرآباد-13 آڪٽوبر (اي پي پي) تعليم واري وفاقي وزير ۽ ايم ڪيو ايم (پاڪستان) جي سربراهه خالد مقبول صديقي چيو آهي ته سندس پارٽي گذريل آدمشماريءَ کي پنج سالن جو عرصو مڪمل ٿيڻ کانپوءِ ٻيهر آدمشماريءَ جو مطالبو ڪندي. حيدرآباد انسٽيٽيوٽ فار ٽيڪنالاجي اينڊ مئنجمينٽ سائنسز ۾ ڪيمپس جو پهريون سال مڪمل ٿيڻ جي سلسلي ۾ رٿيل هڪ تقريب جي موقعي تي ميڊيا سان ڳالهائيندي هن چيو ته افغان شهرين کي ڪيمپن ۾ رهڻو هو پر هو شهرن ۾ رهڻ لڳا. هن چيو ته افغانستان جا ماڻهو هن وقت پنهنجي ملڪ تي حڪومت ڪري رهيا آهن ۽ ان حقيقت کي نظر ۾ رکندي غير قانوني پرڏيهين کي واپس وڃڻ گهرجي. خالد مقبول صديقي زور ڀريو ته ڪراچي ۾ رهندڙ افغاني شهرين کي ترجيحي بنيادن تي پنهنجي وطن واپس وڃڻ گهرجي ڇو ته ڪراچي جي اهميت کي نظر ۾ رکندي اهو قدم کڻڻ ضروري آهي. 27 آئيني ترميم تي عمل بابت هڪ سوال جي جواب ۾ وفاقي وزير چيو ته سندس پارٽي ڪو به فيصلو ڪرڻ کان اڳ ان ڳالهه جو جائزو وٺندي ته سنڌ جي شهري علائقن لاءِ ڪهڙي پيشڪش ڪئي وئي آهي، ان بعد ئي ڪو فيصلو ڪيو ويندو. هن چيو ته نوآبادياتي حڪومتن صوبن جي لساني بنيادن تي جوڙجڪ ڪئي، جڏهن ته انهن کي نج انتظامي بنيادن تي بنائڻ گهربو هو. وفاقي وزير چيو ته اڄوڪي دور ۾ رڳو تعليمي ڊگرين جي اهميت گهٽجندي پئي وڃي ڇو ته اڄ ڪلهه گهڻي ڀاڱي ادارا هنرمند ۽ تربيت يافته ماڻهن کي ترجيح ڏين ٿا، صرف ڊگري رکندڙ کي اهميت نه ٿي ملي. ان کان اڳ انسٽيٽيوٽ جي ريڪٽر پروفيسر سعيد الدين پڻ تقريب کي خطاب ڪيو.
