آزاد ڪشمير جي وزيراعظم پاران افغان طالبان طرفان رات جي اونداهي ۾ سرحدي ڀڃڪڙين جي مذمت

اسلام آباد- 12 آڪٽوبر (اي پي پي) آزاد ڪشمير جي وزيراعظم چوڌري انوار الحق افغان طالبان طرفان رات جي اونداهي ۾ سرحدي ڀڇڪڙين جي مذمت ڪئي آهي. جاري ڪيل بيان موجب پاڪ فوج، افغان فورسز کي ڀرپور جواب ڏنو آهي. قوم کي پنهنجي هٿياربند فوج تي فخر آهي. وزيراعظم چوڌري انوار الحق چيو آهي ته آزاد ڄمون ڪشمير جو عوام افغان فورسز کي ڀرپور جواب ڏيڻ تي پاڪ فوج سان گڏ بيٺل آهي، ڀارت پراڪسي وار ذريعي خطي جو امن تباه ڪرڻ چاهي ٿو. هن وڌيڪ چيو ته پاڪ فوج هر قسم جي جارحيت جو جواب ڏيڻ جي مڪمل صلاحيت رکي ٿي. پاڪستاني قوم متحد ۽ وطن جي دفاع لاءِ هر وقت تيار آهي.