نائب وزيراعظم ۽ پرڏيهي وزير سينيٽر محمد اسحاق ڊار جي مصر جي پرڏيهي وزير سان ٽيليفون تي ڳالهه ٻولهه

اسلام آباد-11 آڪٽوبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار مصر جي پرڏيهي وزير ڊاڪٽر بدر عبدالعاطي سان ٽيليفون تي ڳالهه ٻولهه ڪئي. پرڏيهي آفيس موجب ٻنهي اڳواڻن وچ اوڀر ۾ جاري صورتحال خاص طور تي غزه ۽ فلسطين ۾ اڳڀرائي تي خيالن جي ڏي وٺ ڪئي. انهن سومر ڏينهن شرم الشيخ ۾ منعقد ٿيندڙ سربراهي اجلاس کان اڳ علائقائي سفارتي ڪوششن ۽ هم آهنگي تي پڻ خيالن جي ڏي وٺ ڪئي.