اسلام آباد – 07 آگسٽ (اي پي پي) وزيراعظم جي قومي تاريخ ۽ ادبي ورثي واري صلاحڪار عرفان صديقي چيو آهي ته عمران خان جو خوابن جي دنيا مان نه نڪرڻ هڪ قومي الميو آهي. اها ڳالهه هن ناليواري سماجي ڪارڪن ۽ مسلم ليگ (ن) جي اڳواڻ ڊاڪٽر جمال ناصر سان ڳالهائيندي چئي. عرفان صديقي چيو ته عمران خان انهن ماڻهن کي به تمام گهڻو مايوس ڪيو آهي جن خان صاحب مان سٺيون اميدون لڳايون هيون، خيبرپختونخواهه ۾ پي ٽي آءِ حڪومت جي انتهائي ناقص ڪارڪردگي پوري طرح ظاهر ٿي چڪي آهي.
