ڄام ڪمال خان جي صدارت هيٺ هلندڙ مالي سال جي پهرين ٻن مهينن دوران ملڪي واپاري ڪارڪردگيءَ جي حوالي سان اجلاس

اسلام آباد-11 سيپٽمبر (اي پي پي) واپار واري وفاقي وزير ڄام ڪمال خان هلندڙ مالي سال 26-2025ع جي پهرين ٻن مهينن دوران پاڪستان جي واپاري ڪارڪردگيءَ جو جائزو وٺڻ لاءِ هڪ اعليٰ سطحي اجلاس جي صدارت ڪئي. وزارت پاران جاري پريس رليز موجب گڏجاڻي ۾ مختلف کاتن جي سينيئر آفيسرن ۽ نمائندن شرڪت ڪئي. اجلاس ۾ ٻُڌايو ويو ته چئلينج عالمي حالتن باوجود جولاءِ کان آگسٽ 26-2025ع دوران پاڪستان جي روانگي واپار 5.11 بلين ڊالرن تي مستحڪم رهي. ٽيڪسٽائل ۽ ڪپڙن جو شعبو 10 سيڪڙو واڌ سان روانگي واپار جو بنيادي مرڪز رهيو جنهن پاڪستان جي روانگي معيشت ۾ ڪرنگهي جي هڏي طور پنهنجي ڪردار جي تصديق ڪئي. حوصله افزا طور تي آفريقا کي پاڪستان جي روانگي واپار ۾ 9 سيڪڙو، ڏکڻ ايشيا کي 7 سيڪڙو واڌ ۽ ڏکڻ اُتر امريڪا ۽ يورپي يونين ۾ مستحڪم ڪارڪردگي رڪارڊ ڪئي وئي. اهي فائدا روايتي مارڪيٽن کي مستحڪم ڪندي نَون مارڪيٽن ۾ واڌ لاءِ وزارت جي ڪوششن جي نشاندهي ڪن ٿا. اجلاس ۾ اهو مشاهدو ڪيو ويو ته آمدني واپار بنيادي طور تي توانائي، خام مال ۽ کاڌي پيتي جي شين جي اعليٰ ضرورتن سبب ٿيندي آهي جيڪي وڌندڙ ملڪي اقتصادي سرگرمين جي نشاندهي ڪن ٿا. ڄام ڪمال خان ان ڳالهه تي زور ڀريو ته هي رجحان حڪومت جي ”ميڪ اِن پاڪستان“ قدمن تحت آمدني واپار جو متبادل ۽ مقامي مينيوفيڪچرنگ به سيڙپڪاريءَ جا موقعا فراهم ڪري ٿو. واپار واري وزير روانگي واپار جي شين ۽ مارڪيٽ تائين جدت لاءِ اهم هدايتون جاري ڪيون جن ۾ اعليٰ قدر ۽ روايتي شعبن تي توجهه ڏني وئي ۽ خوراڪ، توانائي جي درآمد تي گهٽ ڀاڙڻ لاءِ درآمدي متبادل حڪمت عملي تيار ڪئي وئي. وفاقي وزير روانگي واپار جي چٽاڀيٽي کي مضبوط بنائڻ ۽ عالمي ويليو چينز ۾ انضام ۽ ٽيڪسٽائل، زراعت ۽ مينيوفيڪچرنگ جي شعبن ۾ واڌ جي قدمن کي تيز ڪرڻ جي به هدايت ڪئي. ڄام ڪمال لچڪ کي برقرار رکڻ لاءِ روانگي واپار ڪندڙن جي ساراهه ڪئي ۽ ڪاروباري برادريءَ کي سهولتون فراهم ڪرڻ، نَون مارڪيٽن تائين رسائي حاصل ڪرڻ ۽ـ پائيدار واپاري ترقي کي يقيني بڻائڻ لاءِ حڪومت جي عزم کي ورجايو. ميٽنگ جي پڄاڻي ان تصديق سان ٿي ته واپار واري وزارت پاڪستان جي اقتصادي ترقي ۽ روزگار جي هدفن سان هم آهنگ هڪ لچڪدار جامع ۽ چٽاڀيٽي واري واپاري شعبي جي تعمير لاءِ پوريءَ طرح وقف آهي. اي