بيجنگ-20 آگسٽ (اي پي پي) چين ايندڙ مهيني ٿيندڙ فوجي پريڊ دوران ڪيترائي اسٽريٽجڪ هٿيار پهريون ڀيرو عوامي سطح تي نمائش لاءِ پيش ڪندو. پرڏيهي ميڊيا موجب وڪٽري پريڊ 3 سيپٽمبر تي بيجنگ ۾ ٿيندي. چين جي رياستي ڪائونسل جي اطلاعات بابت آفيس پاران پريڊ جي تيارين جي حوالي سان پريس ڪانفرنس ۾ ٻڌايو ويو ته اها سي پي سي سينٽرل ڪميٽي جي مرڪزي ڪميٽي جي جنرل سيڪريٽري شي جن …
چين ايندڙ مهيني ٿيندڙ فوجي پريڊ دوران ڪيترائي اسٽريٽجڪ هٿيار پهريون ڀيرو عوامي سطح تي نمائش لاءِ پيش ڪندو
مزید خبریں
بيجنگ-20 آگسٽ (اي پي پي) چين ايندڙ مهيني ٿيندڙ فوجي پريڊ دوران ڪيترائي اسٽريٽجڪ هٿيار پهريون ڀيرو عوامي سطح تي نمائش لاءِ پيش ڪندو. پرڏيهي ميڊيا موجب وڪٽري پريڊ 3 سيپٽمبر تي بيجنگ ۾ ٿيندي. چين جي رياستي ڪائونسل جي اطلاعات بابت آفيس پاران پريڊ جي تيارين جي حوالي سان پريس ڪانفرنس ۾ ٻڌايو ويو ته اها سي پي سي سينٽرل ڪميٽي جي مرڪزي ڪميٽي جي جنرل سيڪريٽري شي جن پنگ جي مرڪزيت تي ٻڌل سي پي سي سينٽرل ڪميٽي جي قيادت ۾ چيني طرز جي جديد ڪاري کي جامع طور تي اڳتي وڌائڻ لاءِ نئين سفر ۾ ڪيل پهرين پريڊ هوندي. اٽڪل 70 منٽن تي ٻڌل پريڊ ۾ جٿا شامل هوندا، جٿن جي معائني ۾ سمورن فوجي جٿن جو سي پي سي سينٽرل ڪميٽي جو جنرل سيڪريٽري، چين جو صدر ۽ مرڪزي فوجي ڪميشن جو چيئرمين شي جن پنگ معائنو ڪندا. سي پي سي جي جهنڊي، چين جي قومي جهنڊي ۽ چين جي فوج جي جهنڊي سان گڏ چيني فوجي طاقت جي نئين ترتيب پريڊ ۾ پيش ڪئي ويندي. پريڊ ۾ جهنڊي جو تحفظ ڪندڙ فضائي فارميشنز، پيادل فارميشنز، فوجي جهنڊي ۽ فوجي سامان جي فارميشنز ۽ فضائي فارميشنز پريڊ ڪندي ٿيان آن من اسڪوائر کان گذرندا. موجوده پريڊ ۾ شامل سمورا هٿيار چيني فوج جي استعمال هيٺ چين جي خود ساخته هٿيارن مان چونڊيا ويا آهن ۽ انهن ۾ نئين ساز سامان جي شرح وڌيڪ آهي، ڪجهه اسٽريٽجڪ هٿيار پهريون ڀيرو عوامي سطح تي نمائش لاءِ پيش ڪيا ويندا. پريس ڪانفرنس ۾ ٻڌايو ويو ته پريڊ جون سموريون تياريون مڪمل ٿي چڪيون آهن.
