جرمني پاران يوڪرين کي ڊگهي مفاصلي تائين مار ڪندڙ ٽارس ميزائيل موڪلڻ کان انڪار

برلن -14 جولاءِ (اي پي پي) جرمني جي دفاع واري وزير بورس پستوريئس چيو آهي، ته هن ٻيهر درخواست باوجود يوڪرين کي ڊگهي فاصلي تائين مار ڪندڙ ٽارس ميزائيل موڪلڻ کان انڪار ڪري ڇڏيو آهي. پرڏيهي ميڊيا مطابق جرمنيءَ جي دفاع واري وزير چيو ته جرمني 2023ع ۽ 2024ع دوران يوڪرين کي 3 پيٽرياٽ ايئر ڊفينس سسٽمز فراهم ڪرڻ کان پوءِ وڌيڪ سسٽمز فراهم نٿو ڪري سگهي. هن چيو ته اسان وٽ اهي 6 سسٽمز رهجي ويا آهن. هن چيو ته جيڪڏهن اسان نيٽو جي صلاحيت جي هدف کي نظر ۾ رکنداسين ته اهي واقعا تمام گهٽ آهن. ياد رهي ته يوڪرين ڊگهي عرصي کان جرمني کان ٽارس ميزائيل فراهم ڪرڻ جو مطالبو ڪندو رهيو آهي.