نائب وزيراعظم ۽ پرڏيهي وزير محمد اسحاق ڊار ملائيشيا جو دورو مڪمل ڪرڻ بعد وطن واپس روانو

اسلام آباد -12 جولاءِ (اي پي پي) نائب وزيراعظم ۽ پرڏيهي وزير محمد اسحاق 32 هين ايشيائي علائقائي فورم (اي آرايف) جي وزارتي اجلاس ۾ شرڪت لاءِ ملائيشيا جو ٻن ڏينهن وارو ڪامياب دورو ڪرڻ کان پوءِ ڪولالمپور کان اسلام آباد واپس پهچي ويو. پرڏيهي آفيس جي ترجمان پريس پڌرائي ۾ چيو آهي، ته اي آر ايف 2025ع ۽ لاڳاپيل تقريب ۾ شرڪت کان علاوه سينيٽر محمد اسحاق ڊار ملائيشيا جي وزيراعظم انور ابراهيم سميت پترا جايا ۾ دوست ملڪن جي پرڏيهي وزيرن سان 12 ٻه طرفيون ملاقاتون ڪيون ۽ ڪولالمپور ۾ متحرڪ پاڪستاني ڪميونٽي کي خطاب به ڪيو.