اسلام آباد – 02 آگسٽ (اي پي پي) وزيراعظم محمد نواز شريف توانائي منصوبن تي ڪم جي اڳڀرائي تي اطمينان جو اظهار ڪندي چيو آهي ته موجوده حڪومت توانائي جي کوٽ تي ضابطو آڻڻ جي لاءِ متبادل توانائي منصوبن کي موثر طور تي استعمال ۾ آڻي رهي آهي. هن اها ڳالهه وزيراعظم هائوس ۾ توانائي جي جاري ۽ آئنده جي منصوبن جي جائزه اجلاس جي صدارت ڪندي چئي. وزيراعظم ان عزم کي ورجايو ته اسان پنهنجي مدي جي مڪمل ٿيڻ تائين ملڪ مان لوڊشيڊنگ ختم ڪري ڇڏينداسين.
