بغداد – 05 – جون (اي پي پي) پرڏيهي وزير بلاول ڀٽو زرداري عراق جي ٽن ڏينهن جي سرڪاري دوري جي موقعي تي بغداد ۾ عراقي پرڏيهي وزير ڊاڪٽر فواد حسين سان ملاقات ڪئي. پرڏيهي آفيس موجب پرڏيهي وزير بلاول ڀٽو زرداري ملاقات دوران چيو ته پاڪستان ۽ عراق جي وچ ۾ گهرا ڀائراڻا لاڳاپا آهن. ٻنهي پرڏيهي وزيرن جي وچ ۾ ملاقات ۾ پاڪستان ۽ عراق جي وچ ۾ سفارتي لاڳاپن سميت تعاون جي مختلف رخن تي خيالن جي ڏي وٺ ڪئي وئي. ملاقات ۾ پاڪستان ۽ عراق جي وچ ۾ لاڳاپن کي وڌيڪ مستحڪم ڪرڻ تي اتفاق ڪيو ويو.
