اسلام آباد – پهرين – آڪٽوبر (اي پي پي) وزيراعظم عمران خان هدف کان وڌيڪ ٽيڪس وصولين تي سڄي قوم ۽ فيڊرل بورڊ آف روينيو (ايف بي آر) کي مبارڪباد ڏني آهي، پنهنجي ٽوئيٽ ۾ وزيراعظم عمران خان چيو ته ايف بي آر هلندڙ سال 22 -2021ع جي پهرين ڇهه ماهي لاءِ مقرر 1211 ارب روپين جي هدف جي مقابلي ۾ 1395 ارب روپيا جا ٽيڪس جمع ڪيا آهن، هن چيو ته مقرر هدف کان وڌيڪ ٽيڪس جمع ڪرڻ تي قوم کي مبارڪباد پيش ڪريان ٿو. وزيراعظم عمران خان چيو ته هلندڙ مالي سال جي پهرين 6 ماهي ۾ ٽيڪس وصوليون گذريل مالي سال جي انهي عرصي جي آمدني ۾ 38 سيڪڙو واڌ جي علامت آهن.
