اسلام آباد – 09 نومبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته ڪو به شخص قومي اسيمبلي ميمبر هجڻ جي ڪري قانون کان مٿانهون نه آهي، قانون جي نظر ۾ سڀ برابر آهن، تحريڪ استحقاق کي بطور هٿيار استعمال ڪري نيب جاچ کان نه ٿو بچي سگهجي، مخالف ڌر جي استحقاق واري رٿ جو ڪو جواز نه ٿو بڻجي. قومي اسيمبلي ۾ شاهد خاقان عباسي جي اعتراض واري نقطي تي ڳالهائيندي وفاقي وزير چيو ته اهو ڏسڻ جي ضرورت آهي ته اهو معاملو ڪيئن شروع ٿيو.
