اسلام آباد – 07 فيبروري (اي پي پي) وزيراعظم شاهد خاقان عباسي چيو آهي ته پاڪستان ۾ ٽيڪس جي بنياد کي سگهه ڏيڻ جي سلسلي ۾ نون ماڻهن کي ٽيڪس نيٽ ۾ آڻڻ جي لاءِ قومي سڃاڻپ ڊيٽا کي استعمال ۾ آڻڻ جو منصوبو آهي، ان ۾ ٽيڪس چوري روڪڻ، پراپرٽي جي صحيح ويليوايشن جي حوصلا افزائي، انفرادي ٽيڪس جي شرح ۾ گهٽتائي ۽ ايمنسٽي پروگرام کي پيش ڪرڻ شامل آهي. عالمي خابرو اداري بلوم برگ کي پنهنجي انٽرويو ۾ وزيراعظم چيو ته اسان ان معاملي تي ڊگهي مدي واري حڪمت عملي تحت ڪم ڪري رهيا آهيون.
