اسلام آباد – 25 مئي (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته دهشتگردي ۽ انتهاپسندي جي خاتمي لاءِ قومي بيانيو لازمي آهي، قومن ۾ اهي بيانيا ڪامياب ٿيندا آهن جيڪي عوام جي مشاورت سان هجن، ثقافت تي ٻڌل بيانيي جي فروغ تي ڪم ٿي رهيو آهي. لوڪ ورثه ۾ ڪلچرل اسٽڊيز بابت قومي اداري جي اهتمام هيٺ معاشري ۾ برداشت جي ڪلچر ۽ پراڻي روايتن جي بحالي جي لاءِ مباحثي کي خطاب ڪري رهي هئي. مملڪتي وزير مريم اورنگزيب خطاب ڪندي چيو ته وزارت سنڀالڻ کانپوءِ هن فطري بيانيي ۽ قومي ورثي جي بحالي تي ڪم شروع ڪيو آهي. هن چيو ته پاڪستان جي آئين ۾ خودمختياري کي واضح ڪيو ويو آهي.
