اسلام آباد – 17 مئي (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته پاڪ افغان سرحد ويجهو افغانستان ۾ امن زونز قائم ڪرڻ گهرجن ته جيئن ماڻهو پاڪستان مان لڏپلاڻ ڪرڻ تي مجبور نه ٿين، عالمي برادري، علائقائي ملڪن ۽ عالمي ادارن کي افغانستان جي جنگ سبب متاثر آبادي جي لاءِ اقتصادي موقعن، اسڪلز ۽ ترقي جي لاءِ مدد ڏيڻ گهرجي. هن اها ڳالهه سائوٿ ايشين اسٽريٽجڪ سٽيبلٽي انسٽيٽيوٽ (ساسي) يونيورسٽي جي اهتمام هيٺ پناهگيرن جي بحران ۽ ان جي عالمي ۽ قومي سلامتي تي اثرن بابت ٻن ڏينهن واري ڪانفرنس کي خطاب ڪندي چئي.
