اسلام آباد – 31 جنوري (اي پي پي) صدر ممنون حسين چيو آهي ته قومي معيشت جي استحڪام جي لاءِ انفارميشن ٽيڪنالاجي تي ڌيان ڏيڻ اڻٽر آهي ۽ نئين نسل کي جديد علمي ۽ فڪري رجحانن کان آگاهه ڪرڻ جي لاءِ انفارميشن ٽيڪنالاجي جو استعمال تمام گهڻو ضروري آهي. هن اها ڳالهه پاڪستان نيشنل ڪائونسل آف پاڪستان ۾ انفارميشن ۽ ٽيڪنالاجي واري وزارت جي اهتمام هيٺ ”پاڪستان موبائيل ايپ ايوارڊز 2016ع“ جي تقريب کي خطاب ڪندي چئي. ان موقعي تي انفارميشن ٽيڪنالاجي واري مملڪتي وزير انوشه رحمان، پاڪستان ٽيلي ڪميونيڪيشن اٿارٽي جو چيئرمين ڊاڪٽر سيد اسماعيل شاهه کانسواءِ مهمانن جو هڪ وڏو تعداد موجود هو.
