اسلام آباد – 13 سيپٽمبر (اي پي پي) وزيراعظم عمران خان چيو آهي ته ڪو به سمجهه وارو انسان ائٽمي جنگ بابت سوچي به نه ٿو سگهي، وڏيون طاقتون روس، چين ۽ آمريڪا پنهنجي اثررسوخ کي استعمال ۾ آڻيندي ڪشمير مسئلي جي پراڻي تڪرار سميت ڪيترائي ٻيا عالمي معاملا حل ڪرائين، ٻن ائٽمي ملڪن جي وچ ۾ تڪرار ناقابل تصور آهي، ان کان اڳ جو هي خطو فليش پوائنٽ بڻجي وڃي، دنيا کي مداخلت ڪرڻ گهرجي. روسي ٽي وي رشيا ٽوڊي کي انٽرويو ڏيندي وزيراعظم چيو ته دنيا جي وڏين طاقتن آمريڪا، روس ۽ چين کي گڏجي ڪشمير جي پراڻي تڪرار سميت ٻين عالمي معاملن کي حل ڪرڻ گهرجي.
