اسلام آباد – 11 جون (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته نيب رڳو ان جي خلاف ڪيس ٺاهي ٿي جنهن جا ڪارا ڪرتوت هوندا آهن، جيڪو ڪرپشن ۾ ملوث هجي، نيب جو ڪيس ٺاهڻ جو هڪ طريقيڪار آهي، رڳو ان جي ئي خلاف ڪارروائي ٿئي ٿي جنهن جي خلاف ڪا شڪايت هجي، نيب جو حڪومت سان ڪنهن مخصوص پارٽي، مخالف ڌر يا حڪومت سان ڪو به تعلق نه آهي. اهڙن خيالن جو اظهار هن پي ٽي وي سان ٽيليفون تي ڳالهائيندي ڪيو.
