اسلام آباد – 14 فيبروري (اي پي پي) سينيٽ چيئرمين محمد صادق سنجراڻي چيو آهي ته پاڪستان ۽ چين جا لاڳاپا هڪ نئين دور ۾ داخل ٿي ويا آهن. چين سان لازوال دوستي تي اسان کي فخر آهي، وزيراعظم عمران خان جي چين جي دوري لاڳاپن جي هڪ نئين تاريخ لکي، سي پيڪ جي ڪري خطي جي معيشت تي مثبت اثر پوندا، ٻنهي ملڪن ۾ پارلياماني رابطن ۽ وفدن جي مٽاسٽا ۾ تيزي خوش آئنده آهي. اهڙن خيالن جو اظهار هن چين جي عوامي سياسي مشاورتي ڪافنرنس جي نائب چيئرمين گائوين لانگ سان ملاقات دوران ڪيو.