اسلام آباد – 21 جنوري (اي پي پي) گهرو معاملن واري مملڪتي وزير شهر يار آفريدي چيو آهي ته ساهيوال سانحي جي ذميدارن کي عبرت جو نشانو بڻائينداسين، جي آءِ ٽي جي رپورٽ هن ايوان ۾ پيش ڪئي ويندي، طاهر داوڙ جي شهادت جي جاچ جي لاءِ جي آءِ ٽي سان گڏوگڏ پارليامينٽ جي پنج رڪني ڪميٽي جوڙي وئي آهي، ساهيوال سانحي جو ڪو جواز فراهم نٿو ڪري سگهجي، اسان پوليس نظام ۾ سڌارا آڻينداسين. قومي اسيمبلي ۾ ساهيوال سانحي تي ڳالهائيندي مملڪتي وزير شهر يار آفريدي چيو ته اڄ قوم ۾ ڏک ۽ ڪاوڙ آهي، روئڻهارڪي آهي، والدين کي اها ڳالهه کٽڪي رهي آهي ته انهن جو مستقبل ڪهڙو آهي
