اسلام آباد – 10 ڊسمبر (اي پي پي) وقتي صدر محمد صادق سنجراڻي چيو آهي ته پاڪستان ۽ ان جي پارليامينٽ والاريل ڪشمير جي عوام خودمختياري جو حق تسليم ٿيڻ تائين اخلاقي، سياسي ۽ سفارتي حمايت جاري رکندو، عالمي برادري اڳتي وڌي ۽ والاريل ڪشمير ۾ ڀارتي فوج جي ظلمن کي روڪڻ ۽ ڪشمير مسئلي کي گڏيل قومن جي قراردادن موجب ۽ ڊائلاگ جي ذريعي حل ڪرائڻ لاءِ پنهنجو ڪردار ادا ڪري. سينيٽ سيڪريٽريٽ طرفان جاري بيان موجب هو آزاد ڄمون ۽ ڪشمير جي صدر مسعود خان سان ڳالهائي رهيو هو جنهن اسلام آباد ۾ ساڻس ملاقات ڪئي.
