اسلام آباد – 23 نومبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته ڪراچي ۾ چين جي قونصليٽ تي دهشتگردن جو حملو هڪ بزدلاڻي ڪارروائي آهي جنهن کي سيڪيورٽي ادارن بهادري سان ناڪام بڻائي ڇڏيو، اهڙن بزدلاڻن حملن سان پاڪ چين لاڳاپا متاثر نه ٿيندا، حملي جي پويان سمورن ملوث عنصرن کي بي نقاب ڪيو ويندو، مستقبل ۾ اهڙن واقعن جي روڪٿام لاءِ وڌيڪ قدم کنيا ويندا. پارليامينٽ هائوس ٻاهران صحافين سان ڳالهائيندي وفاقي وزير چيو ته ڪراچي ۾ چيني قونصليٽ تي ٽن دهشتگردن حملو ڪيو.
