اسلام آباد – 17 نومبر (اي پي پي) پارلياماني معاملن واري مملڪتي وزير علي محمد خان چيو آهي ته پاڪستان تحريڪ انصاف جي حڪومت قومي معيشت کي وڌيڪ مضبوط بڻائڻ جي لاءِ حڪمت عملي تيار ڪري رهي آهي. هڪ نجي ٽي وي چينل سان ڳالهائيندي هن چيو ته ملڪي معاملن جي حل ۽ فيصلن ۾ قوم موجوده حڪومت سان گڏ بيٺل آهي. هن زور ڏنو ته عوامي نمائندن کي ايماندار ۽ سچو هجڻ گهرجي. مملڪتي وزير جو چوڻ هو ته ڪرپٽ عنصرن جي خلاف احتساب جو عمل بنا ڪنهن فرق جي ٿيڻ گهرجي.
