اسلام آباد – 22 آڪٽوبر (اي پي پي) وزيراعظم عمران خان والاريل ڪشمير ۾ ڀارتي سيڪيورٽي فورسز جي هٿان بي گناهه ڪشميرين جي قتل عام جي نئين سلسلي جي پرزور مذمت ڪندي ڀارت تي زور ڏنو آهي ته هو ڪشميري عوام جي امنگن موجب پراڻي تڪراري ڪشمير مسئلو حل ڪري، هو ڪلگام جي علائقي ۾ تشدد جي نئين لهر جي حوالي سان خبرن تي رد عمل جو اظهار ڪري رهيو هو جنهن ۾ ڀارتي فوج سان جهڙپ ۾ گهٽ ۾ گهٽ 9 شهري شهيد ۽ 50 کان وڌيڪ زخمي ٿي ويا.
