ڪراچي – 16 سيپٽمبر (اي پي پي) وزيراعظم عمران خان چيو آهي ته ملڪ ۾ امن امان حڪومت جي اولين ترجيحن ۾ شامل آهي، امن امان ۽ استحڪام کانسواءِ ملڪ جي اقتصادي صلاحيت مان مڪمل فائدو نه ٿو کڻي سگهجي، ڪراچي پاڪستان جو معاشي مرڪز آهي، وفاقي حڪومت صوبي ۾ امن امان برقرار رکڻ جي لاءِ صوبائي حڪومت جي مڪمل مدد جاري رکندي. وزيراعظم عمران خان جي صدارت ۾ سنڌ صوبي خاص طور تي ڪراچي ۾ امن امان جي صورتحال جي جائزي لاءِ اعليٰ سطحي اجلاس ٿيو.
