اسلام آباد – 20 آگسٽ (اي پي پي) عوامي جمهوريه چين جي اسٽيٽ ڪائونسل جي وزيراعظم لي ڪي ڪيانگ وزيراعظم عمران خان کي ٽيليفون ڪري عهدو سنڀالڻ تي مبارڪباد ڏني آهي. وزيراعظم آفيس پاران جاري بيان موجب چيني وزيراعظم عام چونڊن ۾ ڪاميابي ۽ نئين حڪومت جوڙڻ تي وزيراعظم عمران خان کي مبارڪباد ڏني. هن چيو ته پاڪستان ۽ چين هر قسم جي حالتن ۾ هڪ ٻئي جا دوست آهن. هن وزيراعظم عمران خان سان گڏجي پاڪستان ۽ چين جي وچ ۾ ٻطرفن لاڳاپن کي وڌيڪ مستحڪم بڻائڻ جي عزم جو اظهار ڪيو.
