اسلام آباد – پهرين جون (اي پي پي) سينيٽ چيئرمين محمد صادق سنجراڻي پاڪستان ۽ ايران جي وچ ۾ ٻه طرفي رابطن کي وڌيڪ فروغ ڏيڻ جي لاءِ پارلياماني، واپاري ۽ اقتصادي شعبن ۾ تعاون جي اهميت تي زور ڏيندي چيو آهي ته پاڪستان ۽ ايران عوام جي ترقي ۽ خطي جي خوشحالي جي لاءِ ڪوشان آهن، هن چيو ته ٻنهي ملڪن جي وچ ۾ تاريخي لاڳاپن جو بنياد مذهبي، ثقافتي ۽ سماجي روين تي رکيل آهي جيڪو وقت گذرڻ سان گڏوگڏ وڌيڪ مستحڪم ٿي ويو آهي، سينيٽ چيئرمين محمد صادق سنجراڻي اهڙن خيالن جو اظهار پارليارمينٽ هائوس ۾ ايران جي سفير مهدي هنر دوست سان ملاقات ۾ ڪيو.
