ڪراچي – 28 اپريل (اي پي پي) صدر ممنون حسين چيو آهي ته معاشري ۾ بي چيني ۽ انتشار ان وقت ئي پکڙجندو آهي جڏهن ماڻهو پنهنجي فرضن ۾ غفلت ڪندا آهن ٻين جون ذميواريون سنڀالين ٿا، جڏهن حڪمت جي جاءِ طاقت وٺي ڇڏي ۽ طاقت جي استعمال جو سليقو به نه هجي ته بحران واري ڪيفيت پيدا ٿي وڃي ٿي، اهڙي طرح جي بحران ۾ اهل فڪر جي اها پهرين ذميواري آهي ته اهي پنهنجي بي لوث علمي سرگرمين ذريعي الجهنن کي سلجهائي معاشري ۾ يڪجهتي ۽ هم آهنگي کي فروغ ڏين. اها ڳالهه ڪراچي يونيورسٽي ۾ سيرت چيئر جي عمارت جي پيڙهه جو پٿر رکڻ کانپوءِ هڪ خصوصي تقريب کي خطاب ڪندي چئي.
