اسلام آباد – 14 جنوري (اي پي پي) قومي اسيمبلي جي اڄ سومر ڏينهن ٿيندڙ اجلاس ۾ ايف آءِ اي جي اليڪٽرانڪ ڪرائيم بل 2016ع تحت ڪاررواين جي 6 مهينن جي ڪارڪردگي رپورٽ پيش ڪئي ويندي، جڏهن ته ٻه ڌيان ڇڪايو نوٽيس پڻ ايجنڊا ۾ شامل آهن. قومي اسيمبلي سيڪريٽريٽ پاران جاري ڪيل ايجنڊا موجب قومي اسيمبلي جي سومر جي ايجنڊا ۾ پاڪستان پيپلزپارٽي جي ميمبرن جو پيٽروليم مصنوعات جي قيمتن ۾ اضافي جي حوالي سان ڌيان ڇڪايو نوٽيس ۽ رستن تي پلاسٽڪ بدران لوهه جا ڪيٽ آئز هڻڻ سان گاڏين جي ٽائرن جي تباهي جو حڪومتي ميمبرن جو ڌيان ڇڪايو نوٽيس پڻ شامل آهي.
